Book Description

“ජිවිතයට පාඩම්‌ සියයක්‌” – අමුතු නමක්‌. අමුතු නමක් සහිත අමුතු පොතක්‌ වන මෙය රොබින්‌ ෂර්මාගේ පිටපත්‌ මිලියන හයකට වඩා අලෙවි වුණු සුප්‍රකට පොතක පරිවර්තනයයි. රොබින්‌ ෂර්මා අපට එතරම්‌ හුරු පුරුදු නමක්‌ නොවුණත්‌ ඇමෙරිකාව, එංගලන්තය, යුරෝපය සහ ආසියාවේ සමහර රටවල සුප්‍රකට නමක්‌. නායකත්වය, පුද්ගල සංවර්ධනය පිළිබඳව අද ලෝකයේ සිටින ප්‍රමුඛතම විශේෂඥයින්ගෙන්‌ එක්‌ අයෙකි. ඔහුගේ දේශන සහ කෘති රටවල්‌ හැටක භාෂා හැත්තෑවකට පරිවර්තනය වී හමාරය. සුප්‍රකට නාසා ආයතනය, IBM සමාගම සහ මයික්‍රොසොෆ්ට්‌ වැනි සමාගම්‌ ඔහුගේ සේවය මේ වන විටත්‌ ලබා ගනිමින්‌ තිබෙනවා. ‘ජිවිතයට පාඩම්‌ සියයක්‌’ යන මේ පොත ඔහුගේ Life Lessons නමැති ඉතා ඉහළ අලෙවියක්‌ සහිත පොතේ අසංක්ෂිප්ත පරිවර්තනයක්‌. මේ පොත කියවීමට පටන්‌ ගන්නා මොහොතේ පටන්ම ඔබේ ජීවිතය යහපත්‌ අතට වෙනස්‌ වීමට පටන්‌ ගන්නා බව ‘සහතිකයි. අපූරුම දෙය නම්‌ ඔහු ඒ සඳහා මහා දිග පරිච්ඡේද යොදං නොගැනීමයි. මේ පොත පුරා ඔහු පරිච්ඡේද 101ක්‌ ඇතුළත්‌ කර තිබෙනවා ඒ එකම පරිච්ඡේදයක් වත්‌ පිටු දෙකකට හෝ තුනකට වඩා දිග නැහැ. එහෙත්‌, ඒ හැම එකකින්ම අප මෙතෙක්‌ නොදැන හෝ නොදැක සිටි නව නව මානයකින්‌ අපේ ජීවිත වඩාත්‌ දියුණු සහ සැනසිලිදායක එකක්‌ බවට පත්‌ කර ගන්නා ආකාරය ගැන නැවුම්‌ අදහසක්‌ හෝ යෝජනාවක්‌ ඉදිරියට එනවා. එය බැඳ තැබූ දෑසක්‌ විවර කිරීමක්‌ වැනියි. කනපිට හරවා තිබූ ජීවිතයක්‌ හොඳ පිට හැරවීමක්‌ බඳුයි.